نداء للحكومة الجاية

نداء للحكومة الجاية

مانرضاوش أقل من الآتي من الحكومة الجاية، ومن بعد تسمي نفسها الي تحب هي:

أ. القضية الفلسطينية قضية مركزية في وجود الإنسان التونسي. لذا ينبغي القيام بالواجب في برامج التعليم وفي برامج السياسة الخارجية وفي كل شي.

ب. تونس لاهي صغيرة لاهي فقيرة، يكفوا عنا الساسة من الكذب ويسيرو بمقتضى أن تونس أكبر من هولندا وبلجيكا وانقلترا إلخ وأغنَى من البرتغال ومن عدة بلدان اوروبية أخرى.

ج. راهو التعامل مع الكبار بندية حاجة والتلحيس وهزان القفة ليهم حاجة. واللي ما يعرفش يسير معاهم الند للند ما عليه كان يشاورنا شعبا وافرادا

د. حتى رومي ماهو عامل علينا مزية. كانهم على القروض هاذيكة أقل شي يخلصونا بيه في حقوق شهداء الاستعمار وشهداء فلسطين وشهداء العراق وشهداء ليبيا وغيرها.

ذ.  راهو دين الإسلام موش غمان ورميان ورود وحلان جوامع من غير تطبيق فعلي للسياسات السابق ذكرها وغيرها وغيرها وغيرها.

اللي ما بفهمش الإسلام كيمة هكة هو حر، لكن على شرط يبينلنا اللي أحنا غالطين وإلا اللي أحنا موش مسلمين.

م.ج