التوانسة وحزب "أمك تنقو" م.ح
التوانسة وحزب "أمك تنقو" م.ح
وقتللي لَنصِيت فكرة "اليسار المؤمن" شهر لتالي تقريبا أقبل عليها الناس الفاهمين أن الوضع الفكري والسياسي في تونس فقير ياسر. لكن "الكنتور" متاع صفحة "اليسار المؤمن" وقف عندو أسبوع في رقم 185 تقريبا. السؤال اللي تبادر لذهني: آش صار في هالأسبوع الماضي من أحداث سياسية بش ياقف تجاوب الناس مع الفكرة؟
أظن أن الجواب عندي توة: التوانسة اللي قبل شهر كانوا حايرين حول حقيقة الفقر الفكري وعجبهم فكرة جديدة كيف ما "اليسار المؤمن"، لكم مازالو ما أعربوش على تعاطغهم معاها، دوب ما سمعوا بأحزاب وسطية قررت بش تنصهر في حزب كبير تعدات السحابة اللي كانت تغشي المشهد العام وحضروا رواحهم بش يتفاعلو مع الانضهارات الجديدة.
تعليقي ورأيي:
التونسي اللي يفكر كيف ما هكة غالط على طول الخط. فهو بذلك يعطي الدليل اللي هو نفعي ويعتقد أن انصهار أحزاب في حزب كبير بش تحلو مشكلتو.ناس أن الأحزاب تعاني من مشكلة فكرية موش من مشكلة حجم الحزب.
بينما يصح الصحيح وتشوفو: انصها أو لا انصهار باقي الوسخ في الدار.
هذا ما يمنعش هذا. لا الانصهار يمنع فكر حر اسمه "اليسار المؤمن" أو غيرو، لا اليسار المؤمن يعوض الأحزاب أو الانصهار.
لكن حذاري، كيما بلاش أحزاب ما ثماش ديمقراطية، زادة بلاش تيارات فكرية مستقلة الأحزاب كيفها كي بلاش.
م.ح
Commentaires sur التوانسة وحزب "أمك تنقو" م.ح
Rétroliens
URL pour faire un rétrolien vers ce message :
http://www.canalblog.com/cf/fe/tb/?bid=554096&pid=23495485
Liens vers des weblogs qui référencent ce message :