تدبر فيّ نقول "اللائيكية كلمة ركيكة"؟

تدبّر فيّ  نقول "اللائيكية كلمة ركيكة"؟

ثمة ناس كي واحد يسب الجلالة قدامو يقدرو ويجطو فوق راسو، آما كي يقول "اللائيكية كلمة ركيكة" يتهجمو عليه وما يخليو ما يقولو فيه وفي شخصو. فينو التوازن وفيني روح النقد الحر اللي ما يمسش بالأشخاص؟ تعمل أكثر من هكة قلة الثقة في النفس. وتعمل أكثر من هكة الثورة بلاش تأطير المثقفين والمربين.

اللي عندو ثقة في روحو ينجم يقول مثلا: "اللائيكية خير من اللي تؤمن بيه إنت" (الله لا يقدر وبعيد الشر). آما ما ينجمش يقولها على خاطر يعرف ، في مخو هو، آشنوة اللي يقابل "اللائيكية"؛ يقابلها "الإيمان". لذا سؤالي: علاش اللي يخاف على اللائيكية إلى هالدرجة ما يوريناش وما يفسرلناش وما يجسدلناش آشنوة الإيمان. هكاكة نكونو فهمنا اللائيكية حاجة ما تضرش الإيمان وماهيش منافية للإيمان.

آما كيف يبقى في حكاية"الدين مسألة شخصية" نفهم منو اللي هالمسألة الشخصية ما تتعبرش في حتى كتاب. وهاذا عين الخطأ.

اللي يشد صحيح في "مسألة شخصية" يقصد "اخطاوني خليوني نغرم زماني، قالو إيمان وما إيمان"

م.ح