المؤامرة على تونس والعروبة بواسطة الإسلام

المؤامرة على تونس والعروبة بواسطة الإسلام

يا توانسة لعبولكم لعبة ما يفيق بيها كان اللي راضي على روحو: أمريكا تعرف اللي الإسلام عندو قوة متاع تعبئة ما ثماش كيفها. لذا راهنت على النهضة على أساس أنو تيار إسلامي.
ثم إن الدهاء متاع مُنظري الغرب أنهم يلعبو أيضا على قوة الاستبداد اللي في مقدور المسلمين يتحولو لها باسم الإسلام (لكن حاشى الإسلام). وهوني يكون مراهنتهم على النهضة ذو اتجاه واحد: مراهنة على استبداد التونسي بالتونسي والعربي بالعربي والمسلم بالمسلم.
 خزيت عليهم حاشاكم. ما يعرفوش ها المُنظرين اللي هوما غالطين في الإسلام واللي هو موش متاع استبداد إنما متاع تحرر من الاستبداد.
هاذاكة علاش مجتمع تونس ماهوش راكح للنهضة وما هوش مطمئن لها: في قرارة نفسو يعرف اللي الإسلام موش كيف ما يظنوه المستبدين. لكن مازال ما يعرفش يعبر عن المسألة هاذي. لوكان يوصل يشد منها 10 في المائة فقط نتحررو من كل العوائق اللي حطونا فيها.

محمد الحمّار