إطلاق حملة - تخميرات - لإضفاء معنى على الانتخابات
إطلاق حملة - تخميرات- لإضفاء معنى على الانتخابات
من خلال إطلاقي لحملة "تخميرات" مانيش طالب من الناس بش يعطيوني فلوس،
وإلا بش يوقعولي في وثيقة ،
وإلا بش يرخصولي نتكلم باسمهم،
وإلا بش نضُمهم لحزب معيّن....
والفكرة هاذي مانيش بش نخدم بيها حزب وإلا جمعية وإلا جهة داخلية أو خارجية،
فقط بالتجربة والحمد لله،
صرت نعرف آش ناقص لتونس بش تتطوّر،
ومن الحاجات الناقصة روح المبادرة،
ففكرة "تخميرات" مبادرة من عندي،
لكن اليد وحدها ماتصفّقش،
لذا حبيتها آلية بش تثير فيكم الرغبة للمبادرة،
بش تحرّك المبادرات الكامنة فيكم،
موش نحبكم تعطيو أفكاركم ليّ آنا،
وإنما نؤمن اللي يلزمكم تعطيو أفكاركم للجمهور العريض،
وأنتم والجمهور العريض توصّلوها للأحزاب،
والأحزاب تتغذى منها،
والأحزاب تتغيّر وتصبح قابلة للاحترام من طرفكم،
وتصبح في خدمتكم،
هكة في يوم الانتخاب تكونو تعرفو آش كون تختارو...
محمد الحمّار