يا جماعةأول مجلس نواب الشعب متاع تونس

يا جماعة مجلس نواب الشعب: 
إذا كانكم تمثلو الشعب بالحق، شمّرو على ذراعاتكم وورّيونا عبر تشريعاتكم اللي:

التوانسة قادرين يتعاملو بندّية مع أمريكا وأوروبا والصين وروسيا وسائر العالم،
التوانسة قادرين يخاطبو هؤلاء بما يفهمون وأنّ العربية أيضا لغة المستقبل،
التوانسة ما همش جيران للبحر المتوسط وإلا غاوين حرقان، وإنما جيران ليبيا والجزائر أمّا البحر فيربطهم بأوروبا ويهزّهم لسائر الأصقاع،
التوانسة ماهمش صفافرية بشأن المسائل الدولية وإنما هم أصحاب قرار،
تونس ما تطبّعش مع الكيان الصهيوني وإنما بش تجابهو بكل ما أوتيت من قوّة، 
تونس ما تقبلش بش الظلم يتواصل، لا في الأراضي المحتلة ولا في الصحراء الغربية ولا في الأهواز اللي مستعمرتها إيران ولا في العراق وسوريا ولا في الخليج العربي ولا في إفريقيا ولا في آسيا ولا في القارة الأمريكية،
تونس ما تقبلش بش الجهل و الأمية والمرض وسائر الآفات الصحية والاجتماعية والاقتصادية تبقى منتشرة في عديد البلدان عند الصغار والكبار،
تونس ما هيش صغيرة،
تونس ما هيش فقيرة.
إذا كان ما تحطوش هذا نصب أعينكم، لا نعرفكم لا تعرفوني، ومن فُم البير ولا من قاعه.
محمد الحمّار،
مواطن

"}" data-reactid=".11">J’aime ·  · Partager