التوحيد لله(2): تَعرْفوش أعلاش الشباب هارِِب مِن مُمارسة الدّين؟

التوحيد لله(2): تَعرْفوش أعلاش الشباب هارِِب مِن مُمارسة الدّين؟

*قالك على خاطرياخوي إمّا تقبلو الكل وإلاّ تُرفضو الكُل.

*قالك يا وخيّاني القْراية برشة وما ينَجموش يْوَفْقو بينها وبين الصلاة.

*قالك الوضوء ياخذ برشة وقْت. ويلزم ديما الطهارة الكُبرى.

*قالك قالولو يلزمو ما يِمشيش للبحرْ على ماكانش ترَصّيلو يشلِّلَ في عويناتو في عُوض قَلْبو.

*قالك ياخوي حتى لين يبطِّلْ الشُرب والمشروبْ ويقُصْ على التْسَلعيق(ثلِّث النقاط من فضلك)

والتلغميجْ.

*قالك حتّى لينْ يبطّلْ السواقر(ثلّثْ من فضلك) والشيشة واللللللّ.

*قالك وِعْدوه بش يعْمْلو حضْر على الكلام الزّايِد بعد ما نرفْعو البطولة العالمية في هالرياضة الشعبية رقم 1.

*قاتلك كيفاشْ هي ماصَدْقِتْ لربي أعطاوها والديها رخصة الذهاب إلى السْتاد مع خوها. تي هاك الكلام البذيء غادي

ما يدَوِرْش الخواطر و ينقُض الوضوء؟

*قالك ياخوي تي هُو ما صدّق لربّي بوه شرَالُو سبادْري بميتين دينارْ بِش ترَصّيلو هازّو معاه للجامع ومِتْوَسْدو

كيف المِسْنِدْ؟ بِش يتلهى بيه وإلاّ بالصلاة؟

*قاتلك توّة بوها يعطيها "أرجان دي بوش" (موش صاحب صاحب الخُفّ ...) بش تنجّم توِفّر شوَية للصّدقة؟

1. قُتلوشي راهُو اللي تِقبلو من الدّين يْجيب ويكَرْكرْ معاه اللي ماتِقبلوش. و من بعد الكُلو يهِز بَعضو؟

2. قُتلوشي آش بيه يظُن اللي العبادة تقتصر على الصلاة؟ ياخي كيف يمتنع عن الفوسكة ماهيش عبادة ياخي؟

3.سْئِلتوشي آش نُوة اللي ياخذ أكثر وقت حَطّان الجآل على الشعر وإلاّ الوضوء؟

4.يا خي ما يَعرِفش اللي في الشَطْ العريان يُظهر مغُطي للعريان اللي كيفو؟

5. قُتلوشي اللي هوني بالذات الصلاة تلعب دَور فعّال و ما عليه كان يَبدا وآتَو تتنحّى لحكايات لُخرى؟

6.يا لندرا اعلمتوشي اللي هاذي جِلدية وبالمثابرة آتو يفهم آش يلزمو؟

7. حلّلتِش معاه علاش الناسْ يتْكلّمو بهاك الطريقة؟ بالكشي أحنا أكثر فرقة من أمّة محمّد حِرص على الكلام

المباشر،ويذابيه كيف هالمباشِرْ ينعدِمْ يوَلّي قدْ الحِرْمان قَد العُنف اللفظي؟

8.دَلّيتهاش اللي كيف صارت تمشي لاستاد صارت تنجّم تعمِل "ديفُولْمون" من هاك التفرْهيدة متاع العياط والزياط

والهبَلة،ومِن بَعد كيف ترجع للدّارتلقى روحها نظيفة من هاك العراقيل النفسية اللي كانت مكبْلِتها، ولهاذا يظهُرْلي

قُدْرِتو على الصلاة تكون محترمة؟

9. خبّرتوش اللي النبي بيدو قال المصلّي يلزمْ بش يرُد بالو على الأمتعة متاعو؟

10. ثبّتّش معاها ياخي العبادة ما فيها كان الشهادتان والصلاة والزكاة والصيام والحج؟ ونضيفولهم ياللّة الصدقة

وبِرّ الوالدين واجتناب الكبائرو...و...و...هاذاكهَو؟

قُلتِلهاش اللي هاذومة في ما يلي كذلك عبادات توَصِّل للتوحيد بالله؟ :

- تعمِلْ حَل لنفسِك بش اللي تعملو بش تعاوِن بيه إنسان بَلّوشي يكون على قدر قعدتك في القهوة سْوايِع.

- تنقّص من التهثريم بالفارغ وتمشي "دْرْوَا أو بيت" .يِعجبْتي الشباب في هالعبارة المتداولة الآن: "إيجَى من

لِخِّر...". الشباب روحُو باش تطلع من التهرثيم والتمجديق متاع الكبارْ. سيْبولو الَمَربوط..

- يكفي من تكديس الممتلكات والأدباش. ديباراسي بَلّوشي. آتَوْ تِتفَرْهد نفسك وتصبح تفكّرْ خِير من قبَل.

- فُك من "صبّوشي؟" وعَملُوشي. راهو ما غنى إلاّ غنى القلب. علاش تجيب في الهَمْ والكُبّي. شَهريتِك شْوَيَّة بَرّة

طالب بالزيادة. آما ما تقعُدْش تِمرِج في الناس القَنوعين وتْمَسكي عليهم وِنتِ تلقاك تكنز في المال وعامِل فيها ديما

تِرْ.

- حاوِل، بجاه ربّي جرِّب تُحكم في روحِك وما تِستنّاش آش بش يِؤمروك عَرْفِك على شرْط الخِدمة المطلوبة تكون

من مشمولاتِك وتحِلْ بيها مشكلة متاع مواطن. كان عندك خِدْمة ترى اللي هي يلزمها تتعمَلْ وتلقى عراقيل إدارية،

بجاه ربي حاول تلقى حَلْ وَحْدِك.راك تُحكُم في روحك "بار ديفو". و"متى استعبدتم الناس وقد ولدتهم أمّهاتهم

أحرارا؟" (علي ابن أبي طالب)...

م.ح