علاش النهضة ما تمثلنيش رغم اللي هوما مسلمين كيفي
علاش النهضة ما تمثلنيش رغم اللي هوما مسلمين كيفي
بخلاف اللي قلتو قبل وهو
أ. ما عندهمش جواب على سؤال "آش يعمل حلف الناتو في ليبيا؟"
ب. ما عندهمش خطة واضحة لمساندة فلسطين والعراق وأفغانستان أرضا وشعبا.
ج. ما ينجموش يربطو بين طروحاتهم وطروحات الشعب الثائر.
د. ما عندهم حتى رؤية للتحرر الفردي في عصر يتسم بالحريات الفردية الأساسية.
ه. القيادات متاعهم ما تسمع كان نفسها.
بخلاف هاذاكة:
أ. مايعرفوش اللي الدنيا تبدلت وطرق التفكير تبدلت ومناهج العمل تبدلت. وبالتالي تشخيصهم للوضع الفلسفي العام والوضع السياسي محكوم بآليات قديمة يغلب عليها الطابع الفقهي. ياخي المجتمع محكمة شرعية؟
ب. ما يعرفوش يستغلو اللي صار في "القصبة3" رغم اللي هوما اللي نظموا الحدث. توة ثمة واحد يراوغ الناس الكل ويعمل الصعيب ومن بعد يبندن وما يسجلش هدف؟ (اللي يحب يعرف كيفاش يتمركى الهدف هاني نحضر في مقال عليه).
ج. ما يعرفوش اللي ما يقدرو يكملو استغلال نتائج "القصبة3" إلا ما يكون عندهم فهم جديد للإسلام (بش يرجع إلى صفائه) واللي هالفهم الجديد كانت الثورة فرصة بش أكدت الصحة متاعو.
***هذا المقال تم حجبه من طرف أدمين جروب فايسبوكي. لذا حرصت على مزيد اعتماده للبحث في الظاهرة النهضوية، كما ستلاحظون من خلال المقالين اللاحقين.
محمد الحمّار