الفرق بين الإسلام السياسي والإسلام العلمي

الفرق بين الإسلام السياسي والإسلام العلمي                                    

فرق بين الاتجاه الإسلامي السلفي بجميع أصنافو وأحنا، الاتجاه الإسلامي العام، يتمثل في صورة الميكانيكي ومعلم السياقة. هوما الميكانيكي وأحنا معلم السياقة.
.السياقة ما مشاتش وما تمشيش بمحرك سيارة  لا باس عليه لكن ما عندوش معلم سياقة
.  الشيخ متاع الدين هو الميكانيكي، الدور متاعو يتفقد ويصلح الفاسد ويجيبولو المحركات بش يقلبهم ويوضبهم ويعدلهم. والشيخ متاع علم من العلوم أو اختصاص حِرفي أو مهني هو اللي بش يقوم بدو معلم السياقة بش المحرك ما يوليش قريبي. .
(تي هو توة قريبي عندو قرون افتراضا أن المحرك عندو قرون لغرض التشبيه).
آشنوة اللي صاير توة واللي تعبر عليه الحركات الإسلامية المتعارفة؟ اللي صاير هو أن المحرك (عقل وقلب المسلم) يشتكي من أعطاب   (أوجاع). وكلما اشتكى من عضو يهز نفسو للميكانيكي (الشيخ والإمام إلخ). وتتبْنى الورشات وتتكتِب الكتب وتتعمل النقاشات والخطب وتتحل الكتب على هاك الأساس الغالط. بينما المحرك حتى شي ما بيه. لا باس علية عضويا. وماهوش لا باس عليه تواصليا ووظائفيا. آكهو. يلزمو يتحرك مليح. يلزمو معلم سياقة، يوريه خارطة الطريق.... ذلك هو الاتجاه الإسلامي العام أو "الاجتهاد الثالث".

محمد الحمّار