الاتجاه الإسلامي الجديد

الاتجاه الإسلامي الجديد                                                                

نعمللكم كونفيدونس؟
الأمريكان ثبتت عليهم هوما اللي حلو اللعب للحزب الديني في تونس (الحكومة  مرخصة لأكثر من  واحد).
الكونفيدونس اللي بشد نعملهالكم (على شرط تاخذوها بالرسمي؛ ما نلعبش بالحكايات هاذي) هي: الأمريكان، ومعاهم الأحزاب الدينية، معلوماتهم متأخرة ومصددة وقديمة بااااارشة بخصوص الطبقة السياسية الثورية اللي بش تعتمد الإسلام. يسخايبو ما عندنا كان النهضة (وما شابهها) والتحرير والسلفيين. هاذاكة علاش حضّرو السيناريو متاع رخصة للزوز حزاب وخلاو التحرير على برة والسلفيين يمروحو تمرويح. اللي ما فيبالهمش بيه واللي نحبكم نتومة تكونو في بالكم بيه هو أننا عندنا الجديد الجديد في إيديولوجيا النهوض بالدين من غير ما نكونو إسلاميين تقليديين. والآفونتاج متاع الحكاية هاذي أن الأمريكان يحبلهم على الأقل عامين بش يستوعبو لحكاية هاذي (هاهم يتنصتو فينا، ما عندناش اسرار). من هوني لوقتها ما ينجموش يواكبو الثورة الثانية متاع تونس. وا ينجمو يعملولها حتى شيء بش يوقفوها. وهاهي بش تظهر بالشوية بالشوية بعون الله. آش قولكم؟
محمد الحمّار