ديمقراطية طابع السكر

ديمقراطية طابع السكر 

ثمة مفهوم اسمه العقل المجتمعي. ويظهرلي ما يحتاجش تفسير. هالعقل المجتمعي متاع التوانسة في حالة ذوبان في وسط العقل الكوني. عبارة على طابع سكر ذاب في كاس ماء. تقدرش ترجّع قالب السكر ؟ ظاهريا لا. لكن لو تعلم أنّ إرجاع طابع السكر ضرورة حيوية، ومسألة حياة أو موت، يلزمك تستنبط آلية بش يكون العقل المجتمعي طابع سكر من جديد. كيفاش؟ الذوبان متاع العقل يعني أنّ التوانسة ماعندهمش تفكير حر ومستقل: يفكرو عبر الإعلام، الدولي والمحلي، يفكرو عبر الأحزاب السياسية، بعبرو حتى عبر القرآن والسنة، لكن هذا يعني أنهم ما يفكروش بأنفسهم وإنما عاملين آلية تناوب relai، وهذا خطير برشة. آش يلزم يعملو؟ يلزم ينقدو الإعلام وينقدو الأحزاب وينقدو اللي يعبر في بلاصتهم عن القرآن والسنة، وخاصة ينقدو الفكر الكوني. وقتللي يلقاو رواحهم عبر هذا النقد ويصبحو يفكرو بأنفسهم، يصبحو طابع سكر ما يذوبش، وقتها نحكيو على الديمقراطية.

م.ح